Þetta er tilgangur yogafræða ...

 

Það er ótrúlegt hvað margir lærðir menn og konur, bæði vísindamenn og fræðimenn, hafa hunsað jafn algenga reynslu og trúarlega reynslu djúphyggjumanna sem ævinlega er í grundvallaratriðum hin sama. Þetta verður furðulegra vegna þess að allir höfundar hinna stóru trúarbragða og sumir mestu heimspekingar, rithöfundar og listamenn hafa deilt þessari reynslu. Allir hafa túlkað hana á sama veg: stutt innsýn inn í annað líf í öðrum heimi.    Þetta er tilgangur yogafræða.  Að maðurinn fái innsýn inn í annað líf í öðrum heimi, ófjötraður af öllum því sem bindur hann þessum heimi. Tilgangurinn er stutt leiftursýn og sú skynjun að maðurinn geti aldrei beðið endanlegan ósigur þrátt fyrir mistök, hrörnun, sjúkdóma og sorgir. Ekkert fær til lengdar haggað öryggi okkar, friði og hamingju. Sálin á eilífan þegnrétt í öðru ríki, annari tilveru sem er æðri okkar.   

Gopi Krishna – The Awakening of Kundalini (Tekið úr Ganglera, hausthefti frá árinu 2000. Gunnar Dal þýddi)

Gangleri í áskrift.