... líf sem er varið í þjónustu við aðra

Einungis líf sem er varið í þjónustu við aðra er þess virði að lifa því.

 Albert Einstein

                                                                                                                           

Lífspekifélagið um helgina - Hversdags zen og viðhorf og væntingar í hugrækt

 

23. nóv.
föstudagur kl 20:00  heldur Ástvaldur Zenki Traustason erindi: Hversdags Zen.
Um Zen iðkun og okkar daglega líf. Stuðst er við Hjartasútruna sem er grundvallarrit Mahayna búddista. Hún fjallar um Hina djúpu handanvisku og verður ekki skilin með rökhuganum heldur þurfum við að iðka hugleiðslu og þroska með okkur djúpt innsæi til þess að hin fullkomna viska ljúkist upp fyrir okkur. Hefur Hjartasútran eitthvert erindi við okkur nútímafólkið sem allt vitum? Hvað er það sem veldur djúpstæðri óhamingju okkar mannfólksins og eilífri þrautargöngu í leit að hamingjunni sem virðist ávallt handan við hornið?

24. nóv.
Dagskrá laugardag kl. 15:30 hugleiðing / íhugun.

kl. 16 kaffi.

kl. 16:30 umræðuefni
Vilhjálmur Hjaltalín.
Um viðhorf og væntingar í hugrækt

 

www.lifspekifelagid.is

 

Trúðu ekki neinu fyrir það, að það stendur í einhverjum gömlum ritum

 

„Trúðu ekki neinu fyrir það, að það stendur í einhverjum gömlum ritum. Trúðu ekki af því, að það er þjóðtrú þín, ekki af því, að þú hefir verið látinn trúa því frá barnæsku, en finndu sannleikann með hugsun þinni, og þegar þú hefir gert þér grein fyrir honum, skaltu trúa honum, ef þér virðist hann vera hverjum og einum til blessunar, lifa fyrir hann og hjálpa öðrum til að öðlast hann.“ Sá starfar bezt, sem starfar án eigingjarnra hvata, sem þráir hvorki peninga né neitt annað, og þegar maðurinn er fær um þetta, verður hann einnig Búddha, og frá honum streymir máttur til þess að starfa svo, að það breyti heiminum. Þetta er hið sanna takmark karma-yoga.

Starfsrækt - Swami Vivekananda. Jón Thoroddsen og Þórbergur Þórðarson þýddu.

Bókin Starfsrækt (Karma yoga) eftir Swami Vivekanada í heil sinni á netinu. Þórbergur Þórðarson og Jón Thododdsen þýddu.

Þetta er allt það yoga, sem ég hefi iðkað, og fyrir skyldurækni mína hafa augu mín upp

lokist. Þess vegna gat ég lesið hugsanir þínar og vissi, hvað þú hafðir gert í skóginum.

En ef þú vilt vita eitthvað þessu meira, skaltu fara til borgar nokkurar, ganga þar til torgs,

og þar muntu hitta slátrara, og hann mun segja þér sitt af hverju, sem mun gleðja þig.“

Einsetumaðurinn hugsaði: „Hví að fara til borgar þessarar og hitta slátrara?“ (Slátrarar eru

minnstir að mannvirðingum í landi voru. Þeir eru nefndir chandâlas. Þeir eru ekki snertir, af

því að þeir eru slátrarar. Þeir gegna álíka skyldum og götusóparar og því um líkir.)

En eftir litla stund sá hann sig um hönd og lagði af stað. Þegar hann kom til borgarinnar,

fann hann torgið og sá þar álengdar stóran og feitan slátrara, sem drap dýr á báðar hendur

með stóreflis sveðju og átti kaup við hina og þessa. Ungi einsetumaðurinn hugsaði: „Guð

minn góður hjálpi mér! Er þetta maðurinn, sem ég á að fræðast af? Hann er holdi klæddur

djöfull, ef ekki annað verra.“

Um leið leit maðurinn upp og sagði: ,,Swâmi! Sendi konan þig hingað? Seztu, þangað til ég

hefi lokið verki mínu.“ Einsetumaðurinn hugsaði: „Hvað bíður mín nú?“ En hann settist, og

slátrarinn hélt áfram, og þegar hann hafði lokið öllum viðskiftum sínum, tók hann peninga

sína og sagði við einsetumanninn: „Komdu, herra! Komdu heim með mér.“

Því næst snéru þeir heim, og slátrarinn vísaði honum til sætis og sagði: „Bíddu þarna.“

Síðan gekk hann inn til foreldra sinna. Hann þó þeim, mataði þau og gerði allt, sem hann gat

til þess að þóknast þeim.

Síðan kom hann, settist frammi fyrir einsetumanninum og sagði: „Jæja, herra! Þú ert

kominn til þess að sjá mig. Hvað get ég gert fyrir þig?“

Einsetumaðurinn mikli spurði hann þá nokkurra spurninga um sálina og guð, og slátrarinn

veitti honum fræðslu, sem er víðfræg bók í Indlandi, Vyâdha-gita, og er skráð í Mâhâbharata,

hinum miklu söguljóðum Indverja.

„Þessi kafli er eitthvert hæsta flug í Vedabókunum, hæsta flug háspekinga. Þú hefir heyrt

sagt frá Bhagavad-gita, ræðu Krishna. Þegar þú hefir lesið hana, ættirðu að lesa Vyâdha-gita.

Hún er ágrip af Vedanta-heimspeki.“ Þegar slátrarinn hafði lokið máli sínu, undraðist

einsetumaðurinn. Og hann sagði: „Hví ert þú í þessum líkama með þvílíka þekkingu? Hví ert

þú í slátraralíkama og vinnur jafnógeðslegt og andstyggilegt verk?“

„Sonur minn!“ svaraði slátrarinn. „Engin skylda er andstyggileg, og engin skylda er óhrein.

Ég er borinn í þessar kringumstæður og á þennan stað. Þetta verk lærði ég í æsku minni. Ég er

óháður og reyni að rækja vel skyldu mína. Ég reyni að rækja húsbóndaskyldu mína, og ég

reyni að gera allt, sem ég get til þess, að foreldrum mínum líði vel. Ég þekki hvorki yoga þitt né

hefi gerst einsetumaður. Ég hefi aldrei umflúið heiminn né horfið til skógar, en allt þetta hefi

ég öðlast með því að rækja skyldur mínar í minni stöðu.“

Hér getið þið lesið bókina Starfsrækt eftir Swami Vivekananda, Jón Thoroddsen og Þórbergur Þórðarson þýddu. http://rafhladan.is/bitstream/handle/10802/1879/Svami-Vivekananda-Starfsraekt.pdf?sequence=1

Leiðin til hugljómunar - Grein úr Vísi eftir Sigvalda Hjálmarsson

 

Hér getið þið lesið greinina Leiðin til hugljómunar eftir Sigvalda Hjálmarsson. Greining birtist í Vísi þann 27. janúar 1979.

Sjá grein hér: http://timarit.is/view_page_init.jsp?pageId=3384018 

Lífspekifélagið um helgina - Bíbí, hugleiðing og spjall með Birgi Bjarnasyni

16. nóv. föstudag kl 20:00: Bíbí Ólafsdóttir: Þegar maðurinn kemst í samband við sitt eigið sjálf.

17. nóv. laugardagur:

kl 15:30 hugleiðing/íhugun,

kl. 16 kaffi,

kl. 16:30 Birgir Bjarnason

Lífspekifélagið boðar engar kenningar en hvetur til hugsana- og skoðanafrelsis. Því eru þær hugmyndir sem hér koma fram ekki á ábyrgð félagsins eða bindandi fyrir félagsmenn, en settar fram til að hvetja til umræðu og stúdíu um sjálfsrækt og andlega iðkun.

Starfsemi félagsins fer fram á fundum, með fyrirlestrum, umræðum, í námshópum og námskeiðum og er öllum opin.

Sjá frekar um Lífspekifélagið: http://www.lifspekifelagid.is/gudspekifelagid/index.html 

The Meditations of a Bodhisattva - The necessity of compassion

 

Compassion

The necessity of compassion 

One who wishes to gain omniscience swiftly must strive in three things: in compassion, in the thought of enlightenment, and in meditation.  Practice compassion from the very outset, for we know that compassion alone is the foundation of all the qualities of Buddhahood.  As we read in the teachings:

“A bodhisattva should not practice too many things at once, for if a bodhisattva can master and truly understand just one thing, then she would hold all the qualities of Buddhahood in the palm of her hand. And what is this one thing?  It is great compassion.  What is the beginning of a bodhisattva’s practice, and what is its abode?  Great compassion is the beginning of a bodhisattva’s practice, and it abides among living beings.”

Lesa í heild: http://www.dailyzen.com/zen/zen_reading1109.asp 

Betra, er hverjum manni að rækja skyldu sína

Betra, er hverjum manni að rækja skyldu [Dharma] sína, þótt honum verði hróðursvant, en inna af hendi skylduverk annara manna vel og sómasamlega. Gott er manni að falla frá, er hann gegnir sínum eigin skyldum. Skylduverk annara eru umkringd hættum.

Hávamál Indíalanda (Bhagavad Gita), þriðja kviða, 35. vers. - Sig. Kristófer Pétursson íslenskaði

Í hljóðum huga ...

 

Í hljóðum huga ertu að byrja að verða var við sjálfan þig einsog þú ert. Þetta sem jafnaðarlega fer fram í huganum, hughræringarnar, má skilgreina sem hulu sem dylur þig fyrir sjálfum þér.

Þarmeð hefst leið sjálfsþekkingarinnar sem felst í að upplifa sjálfan sig uppá nýtt andartak framaf andartaki.

Samt sérðu ekki eitthvað nýtt. Þú ert eitthvað nýtt. Þú er fyrir alvöru farinn að vita með því að vera.

Með orðum verður því eigi lýst sem þú ert. En það sem ríkir í hljóðum huga hlýtur að kallast kyrrð. Einhver óskilgreinanlegur óendanleiki, kyrr og óbifanlegur, gæddur eðli lífs og vitundar, kemur í ljós þegar innihald hugans, hughræringarnar, þokast um set.

Sú kyrrð er vitundin sjálf, ódulin, ótrufluð, þú sjálfur, ekki það sem gerist, heldur það sem er. Vitundin hefur vitund um sjálfa sig.

Nánar: Vitund þín í því ástandi sem kallast hljóður hugur  er bakgrunnur alls sem gerist alla tíð bæði nú og áður. Munurinn er einungis sá að áður hafði það sem gerðist þig á valdi sínu. Nú finnurðu þig vera það sem er og verður var við sjálfan þig virða fyrir þér það sem gerist.

 

Sigvaldi Hjálmarsson

 

 

Meira um Sigvalda Hjálmarsson: http://www.gudspekifelagid.is/sigvaldi_hjalmarsson.htm 

Lífspekifélagið um helgina - Lífið sem jainisti og áhrif hugleiðingar á daglegt líf

 

9. nóv. föstudag kl 20:00 Jón Pétur Þorsteinsson: Lífið sem jainisti
Jón er tvítugur nemi í arkitektúr við Listaháskóla Íslands.
Hann mun segja frá Jain trúnni og reynslu sinni af því að lifa
sem jainisti í þrjár vikur og áhrif þess á líf hans.

 

Laugardag 10. nóv
kl. 15:30 hugleiðing/íhugun,
kl. 16 kaffi,
kl. 16:30 Leifur Leifsson: Af hverju að hugleiða? Áhrif hugleiðingar á daglegt líf.