Krishnamurti um hugleiðslu

Krishnamurti átti eftirfarandi spjall við nemanda í einum af skólum sínum í Indlandi:

Krishnamurti: Veist þú eitthvað um hugleiðslu?

Nemandi: Nei.

Krishnamurti: En þeir sem eldri eru vita þeir eitthvað um hugleiðslu? Þeir sitja út í horni, loka augunum og einbeita sér, eins og skólastrákar að einbeita sér að námsbók. En þetta er ekki hugleiðsla. Hugleiðsla er eitthvað mun stórkostlegra ef þú veist hvernig á að hugleiða. Nú ætla ég að ræða lítillega um hugleiðslu. Fyrst af öllu, sittu hljóður, ekki þvinga þig til þess, sestu eða leggstu og vertu alveg hljóður án nokkurar þvingunar. Skilur þú hvað ég á við? Veittu því svo athygli sem þú ert að hugsa um. Þú sérð að þú ert að hugsa um skóna þína, föt, hvað þú ætlar að fara að segja, fuglana fyrir utan. Fylgdust með þessum hugsunum og kannaðu hvers vegna þessar hugsanir koma upp.
Ekki reyna að breyta hugsun þinni á neinn hátt. Sjáðu hvers vegna ákveðnar hugsanir koma upp í hugann þar til þú ferð að skilja merkingu hverrar hugsunar og hverja tilfinningu. Þegar hugsanir koma upp, skaltu ekki dæma þær, ekki segja þetta er rétt eða rangt, gott eða slæmt. Veittu þeim bara athygli þar til þú ferð að hafa vitund um hverja hugsun og tilfinningu. Þú ferð að sjá hulin leyndarmál hugans, duldar ástæður, hverja tilfinningu, án afbökunar, án þess að dæma þær réttar, rangar, góðar eða slæmar. Þegar þú ferð svona djúpt inn í hverja hugsun verður hugur þinn afar næmur og vakandi. Ekki slævður. Hugurinn er algjörlega meðvitaður og vakandi.
Þetta er undirstaðan. Nú er hugur þinn algjörlega hljóður. Svo ferð þú djúpt inn í þennan hljóðleika. Þetta ferli er hugleiðsla. Hugleiðsla er því ekki að stija út í horni og endurtaka einhver orð, eða að hugsa um mynd, eða fara inn í einhverjar ímyndanir.
Þegar þú skilur allt ferli hugsunar þinnar og tilfinningar ertu frjáls frá hugsunum þínum. Öll tilvera þín verður þögn. í gegnum þessa þögn getur þú svo horft á tré, horft á fólk, himininn og stjörnurnar. Þetta er fegurð lífsins.

Námskeið í Zen-hugleiðslu

Iðkun zazen er grundvöllur þess sem í daglegu tali kallast núvitund (e. mindfulness) eða vakandi athygli. Með því að læra að iðka Zazen ræktum við smám saman með okkur vakandi huga og meðvitund í daglegu lífi og lærum að þekkja okkur sjálf á djúpan og náinn hátt. Að þekkja sjálfa sig á þennan hátt felur í sér fræ heilunar og kennir okkur að meta lífið sem við lifum.

Markmið námskeiðsins er m.a.:

Að kenna öndun og vakandi athygli í zazen, sitjandi hugleiðslu.

Að vinna með líkamann og auka líkamsvitund

Að útbúa stað heima hjá sér sem er ætlaður hugleiðslu.

Að byggja upp hugleiðslurútínu í daglegu lífi

Að læra hefðbundin iðkunarform í setusal Zen Búddista og iðka zazen með öðrum

Námskeiðið kostar 25.000,- kr. og verður kennt á fimmtudögum frá kl. 17:30-19:00. Innifalið í námskeiðsgjaldi er þátttaka í allri dagskrá hjá Nátthaga á meðan námskeiðið varir og eru þátttakendur eindregið hvattir til að prófa að taka þátt í daglegri iðkun samkvæmt dagskrá. Þátttakendum er einnig velkomið að taka þátt í fræðsluviðburðum sem boðið er upp á: leshringjum, darmaræðum og mörgu fleiru.

Kennari á námskeiðinu eru Ástvaldur Zenki, kennari Zen á Íslandi. En hann hefur stundað Zen hugleiðslu undir handleiðslu bandaríska Zen-meistarans, og stofnanda Zen á Íslandi - Nátthaga, Jakusho Kwong Roshi síðan 1998 og hefur farið árlega til Sonoma Mountain Zen Center í Kaliforníu þar sem Kwong Roshi býr. Ástvaldur Zenki hefur auk þess fengið þjálfun í Japan árið 2016 og 2019 og hlaut í kjölfarið vígslu í tveimur höfuðklaustrum Sótó Zen búddismans í Japan: Sojiji og Eiheiji. Zenki er skráður og viðurkenndur prestur og kennari í hinni japönsku Sótó Zen hefð og hlaut þar að auki dharma transmission frá Kwong Roshi árið 2018. Í slíkri athöfn afhendir kennari kennsluna til nemanda síns eins og það hefur verið gert í meira en 2500 ár.