Lífspekifélagið - Dagskrá

 

Föstudaginn 1. april kl. 20:30 Hjörtur Magni Jóhannsson fríkirkjuprestur: Bókstafstrúin og skaðsemi hennar Bókstafstrúin er ekki bara í kristninni. Hún er alls staðar, í gyðingdómi og islam svo eitthvað sé nefnt

 

Á laugardögum er opið hús frá kl. 15 - 17 með dagskrá kl. 15:30.

Hugleiðing og fræðsluefni frá Sigvalda Hjálmarssyni. Á laugardögum kl. 14.

 

Laugardaginn 2. apríl Ólafur Grétar Gunnarsson fjölskylduráðgjafi: Mannsheilinn – byggt á bókinni Heilareglur sem kom út fyrir jólin, eftir dr. John Medina.

 

 

Maha Mrityunjaya-mantran - Dalai Lama kyrjar forna möntru úr Rig Veda

 

Hér getið þið hlustað á Dalai Lama kyrja forna möntru úr Rig Veda, „Maha Mrytyunjaya“. Mantran var hljóðrituð af einum nema hans, með leyfi Dalai Lama. Í fyrstu neitaði hann, en féllst síðan á það og mælti svo fyrir að aldrei mætti selja upptökuna, aðeins gefa hana. Ef þið deilið henni með öðrum, gjörið svo vel að láta þessa orðsendingu fylgja og biðjið þau um að gera slíkt hið sama.

 

Þýðing
Ég hugleiði hina guðlegu veru og gef mig á vald henni sem í býr viljastyrkur, þekking og athöfn, ég bið til hinnar guðlegu veru sem kemur fram í ilmi lífsblómsins og nærir að eilífu lífsins jurt. Megi lávarður lífsins losa mig undan áþján líkamlegra, sálrænna og andlegra skaðvalda líkt og natinn garðyrkjumaður. Megi lávarður ódauðleikans sem býr hið innra frelsa mig frá hrörnun dauðans og veikindum og sameina mig ódauðleikanum.

 Útskýring
Þetta er græðandi og nærandi mantra – kjarninn í Veda. Sá græðandi kraftur sem þessi mantra vekur berst í bylgjum frá líkamanum til hugans og til sálarinnar. Hún styrkir mátt vilja, þekkingar og athafnar, losar um flæði eldmóðs, hugrekkis og einbeitni. Straumur þessarar möntru vekur græðandi öfl hið innra og laðar jafnframt að græðandi krafta náttúrunnar og skapar umhverfi þar sem kraftar beggja stefna saman. Þessi mantra er ómetanlegt hjálpargagn fyrir græðara og kennara. Hún tengir okkur við græðarann innra með okkur og auðveldar okkur að ná fullri næringu úr mat. 

Núið

 

Hefurðu nokkurn tíma reynt, gert, hugsað eða fundið eitthvað fyrir utan Núið? Eða heldurðu að þú eigir það eftir? Getur eitthvað gerst eða verið utan þess? Svarið liggur í augum uppi, eða hvað?    

Ekkert hefur nokkurn tíma gerst í fortíðinni; það gerist í Núinu. Ekkert mun nokkurn tíma gerast í framtíðinni; það mun gerast í Núinu.   Það sem þið hugsið ykkur sem fortíð er aðeins minningar um liðið Nú, minningar sem setið hafa eftir í huganum. Þegar þið minnist hins liðna, þá kallið þið þessar minningar fram – og það gerið þið núna.    

Framtíðin er ávallt hugsmíð eða hugarburður, ímyndað Nú. Þegar framtíðin rennur upp, þá gerist það núna. Þegar þið hugsið um hana, þá gerið þið það líka núna.   

Fortíð og framtíð eiga sér því augljóslega enga sjálfstæða tilvist. Rétt eins og tunglið er myrkvað og gerir ekki annað en endurvarpa skini sólar, þannig eru fortíð og framtíð aðeins dauft endurskin af birtu, mætti og veruleik hins eilífa andartaks. Veruleiki þeirra er ,,fenginn að láni” frá Núinu.    

Mergur þessa máls verður ekki skilinn með huganum. Á þeirri stundu þegar þetta rennur upp fyrir ykkur, eiga sér stað umskipti í vitundinni, frá huga til Vitundar, frá tíma til núvistar. Allt í einu finnið þið fyrir öllu sem lifandi, einhverju sem Verandin geislar frá sér.  

 Eckhart Tolle – Mátturinn í Núinu

 

Contacting Fear

 

There is physical fear. You know, when you see a snake, a wild animal, instinctively there is fear; that is a normal, healthy, natural fear. It is not fear, it is a desire to protect oneself, that is normal. But the psychological protection of oneself, that is, the desire to be always certain, breeds fear. A mind that is seeking always to be certain is a dead mind, because there is no certainty in life, there is no permanency. When you come directly into contact with fear, there is a response of the nerves and all the rest of it. Then, when the mind is no longer escaping through words or through activity of any kind, there is no division between the observer and the thing observed as fear. It is only the mind that is escaping that separates itself from fear. But when there is a direct contract with fear, there is no observer, there is no entity that says, "I am afraid." So, the moment you are directly in contact with life, with anything, there is no division; it is this division that breeds competition, ambition, fear.
So what is important is not "how to be free of fear?" If you seek a way, a method, a system to be rid of fear, you will be everlastingly caught in fear. But if you understand fear, which can only take place when you come directly in contact with it, as you are in contact with hunger, as you are directly in contact when you are threatened with losing your job, then you do something; only then will you find that all fear ceases;we mean all fear, not fear of this kind or of that kind.

 

 

J. Krishnamurti, The Book of Life

Hugrór maður ... öðlast friðinn eilífa

 

 Hávamál Indíalands - 5. kviða

11. Iðkendur yoga hreinsa stöðugt hjarta sitt, er þeir eru ekki framar háðir athöfnum sínum, hvort sem þeir vinna með líkama sínum, huga, mannviti eða skynjunum.     

12. Hugrór maður, er hefir hafnað ávöxtum athafna sinna,  öðlast friðinn eilífa.  En hinn, sem er ekki hugrór,  er knúinn girndum og bundinn við ávöxt athafna sinna.   

 

 

Hávamál Indíalands (Bhagavad Gita) – 5. kviða, 11. – 12. vers.

Lífspekifélagið - Dagskrá

 

Föstudaginn 25. mars kl. 20:30 Gylfi Aðalsteinsson hagfræðingur: Andleg vitund og trúarbrögðin. Er andleg vitund hluti af kjarna trúarbragða?

 

Á laugardögum er opið hús frá kl. 15 - 17 með dagskrá kl. 15:30.

 

Laugardaginn 26. mars Ingólfur Sveinsson geðlæknir, fjallar um dáleiðandann og geðlækninn Jakob Jónasson sem hefði orðið níræður á síðasta ári.

Nafnabreyting hefur verið gerð á Guðspekifélaginu og heitir það nú Lífspekifélagið. Ekki er búið að uppfæra og samræma nafnabreytingu á heimasíðu.

Lífspekifélagið - The Theosophical Society er alþjóðlegt félag, stofnað 1875 í New York. Höfuðstöðvar þess eru í Adyar í Chennai (Madrasfylki) á Indlandi og það starfar í deildum um heim allan. Fyrsta grein Guðspekifélagsins á Íslandi var stofnuð í Reykjavík 17. nóvember 1912. Íslandsdeild Guðspekifélagsins var stofnuð 1921.

 

Stefnuskrá félagsins er eftirfarandi:

1. Að móta kjarna úr allsherjar bræðralagi mannkynsins, án tillits til kynstofna, trúarskoðana,
kynferðis, stétta eða hörundslitar

2. Að hvetja menn til að leggja stund á samanburð trúarbragða, heimspeki og náttúruvísindi.

3. Að rannsaka óskilin náttúrulögmál og öfl þau, er leynast með mönnum

Einkunnarorð félagsins eru:
Engin trúarbrögð eru sannleikanum æðri.

 

Egó

Vakning er vitundarbreyting þar sem hugsun og vitundarnæmi skiljast að

Vakning er vitundarbreyting þar sem hugsun og vitundarnæmi skiljast að. Í lífi flestra er þetta ekki atburður heldur ferli sem fólk gengur í gegnum. Jafnvel þeir sjaldgæfu einstaklingar sem upplifa snögga, eftirminnilega og að því er virðist óafturkallanlega vakningu ganga samt í gegnum ferli þar sem hið nýja vitundarástand streymir smám saman inn í allt sem þeir gera og umbreytir því og verður þannig hluti af lífi þeirra.

 Í stað þess að týnast í hugsun þinni skynjarðu sjálfan þig sem vitundina bak við hana þegar þú ert vakandi. Þá hættir hugsunin að vera sjálfvirkt atferli sem þjónar eigin hag er tekur völdin af þér og stjórnar lífi þínu. Vitundarnæmi tekur við af hugsuninni. Í stað þess að stjórna lífi þínu verður hugsunin þjónn vitundarnæmisins. Vitundarnæmið er meðvituð tengsl við alheimsgreindina. Annað heiti á þessu er Núvist: vitund án hugsunar.

 Eckhart Tolle - Ný jörð

 

Kyrjum fyrir Japan

Kyrjum fyrir Japan

 

Fimmtudaginn 24. mars kl. 19:30 mun Zen á Íslandi standa fyrir athöfn
vegna þeirra miklu náttúruhamfara sem sem dunið hafa á japönsku
þjóðinni. Með kyrjun og hugleiðslu munum við sýna samstöðu með þeim sem
eiga um sárt að binda og samhug með þeim sem syrgja ástvini og minnast
þeirra sem látið hafa lífið.

Zen prestarnir Helga Kimyo Jóakimsdóttir og Ástvaldur Zenki Traustason leiða samkomuna.

Kyrjaðar verða á íslensku og japönsku helstu sútrur zen búddista;
Hjartasútran, Sútra hinnar miklu samkenndar og fleiri. Samkoman verður
haldin í húsnæði Zen á Íslandi- Nátthaga að Grensásvegi 8, 4.hæð-
gengið inn á suðurgafli.

Allir eru hjartanlega velkomir.

Bestu kveðjur,
Zenki og Kimyo

 

www.zen.is

Segið alltaf sannleikann

"Einlægni er frelsi. Prófessor að nafni Randy Pausch hélt fyrirlestur sem hefur verið nefndur síðasti fyrirlesturinn. Þessi maður var með krabbamein sem var að eyðileggja briskirtilinn í honum. Hann var við dauðans dyr og sagði nemendum sínum að ef hann gæti ráðlagt þeim eitthvað þá væri það að segja alltaf sannleikann, vera alltaf einlægur. Svo bætti hann við að ef það væri eitthvað fleira sem hann gæti sagt, segja alltaf sannleikann, hvað sem á dyndi (no matter what).

Ástæða þess að ég er að nefna þetta er sú að þegar maður hefur skilið að tilveran byggist á orsök og afleiðingu, þá hefur maður skilið það að öll orka, þ.m.t. hugsanir, orð og gjörðir hafa afleiðingar. Flestir hafa heyrt orðatiltækið "þú uppskerð eins og þú sáir", en fæstir hafa gert sér fulla grein fyrir því hvað þetta þýðir í raun og veru. Þegar maður horfir yfir farinn veg og er tilbúinn til þess að vera einlægur, þá fer maður að skilja að maður er þar sem að maður er af því að maður fór þangað sjálfur. Gjörðir manns, atferli og hugsanir hafa afleiðingar og það er merking orðatiltækisins.

Á einhverjum tímapunkti gefst manni tækifæri til að vakna til vitundar um það að maður getur beint athygli sinni og orku í annan farveg og þá verða afleiðingarnar annars konar. Forsendan fyrir þessum breytingum er sú að maður taki ábyrgð og mæti í augnablikið til þess að endurheimta mátt sinn og megin og þá er einlægni stærsta tækifærið sem við manni blasir. Þegar maður er tilbúinn til þess að segja satt og ekkert nema satt, þá frelsast maður frá þeim blekkingum eða álögum sem maður hefur viðhaldið til þess að réttlæta flótta og fjarveru. Á því augnabliki sem maður segir sannleikann og verður einlægur, þá hefst nýtt líf. Það er það sem við köllum að frelsast. 

Guðni Gunnarsson
ropeyogasetrid.is