Helgarhlédrag, 19.- 20. mars

Dagskrá KSD/Tibetan Buddhist Meditation Centre for World Peace and Health
Hugleiðslu-og friðarmiðstöðin:

Helgarhlédrag: 19.-20. mars í vinnustofu listamannsins Tolla á Esjuvöllum
Kl. 09:00-16:00 laugardag og 09:00-15:00 sunnudag.

Efni: Hver/Hvað er ÉG?
Nálgumst efnið út frá aldagamalli visku Búddismans
Hvað mótar persónuleika okkar, hverju er hægt að breyta og hvað er ÉG/sjálfið?
Kennsla, umræður, hugleiðsla ofl. Léttur matur, te og kaffi innifalið.
Kostnaður í formi frjálsra framlaga (t.d.10.000-15000 hvor dagur)
Skráning og frekari upplýsingar á [e-mail]
Reikn:
0322-26-003982
Kennitala: 441017-0570
Einnig hægt að greiða með peningum á námskeiðinu.
Með friðarkveðju: Stjórn KSD

Dagskrá Lífspekifélagsins dagana 4. - 5. mars

 

Föstudagurinn, 4. mars kl. 20

Pétur Halldórsson: Ný bók um fornar heimsmyndir með áherslu á miðju þeirra.

 

 

Laugardagurinn, 5. mars kl. 15

Pétur Halldórsson: Ný bók um fornar heimsmyndir með áherslu á miðju þeirra. Frekari umfjöllun frá kvöldinu áður.  

Dagskrá Lífspekifélagsins dagana 25. - 26. febrúar

 

Fös.

25. feb.

kl. 20

Svanur B. Annasson

Yfirlit yfir nokkrar af táknmyndum Martinusar.

	Lau.	26. feb.	kl. 15	Finnbjörn Finnbjörnsson	Fjallað um táknmyndir Martinusar.

Hugleiðsla að hætti Paramahansa Yogananda í húsi Lífspekifélagsins, miðvikudaga kl. 20

 

 

Á miðvikudagskvöldum kl 20:00 er haldin hugleiðing og fræðsla að hætti Self-Realization Fellowship og Paramahansa Yogananda. Bjarni Sveinbjörnsson leiðir. Húsið lokar kl 20:00 og við erum til kl 21:00.

Að breyta heiminum

 

Að breyta heiminum

 

Margar leiðir eru í boði fyrir þá sem leggja út á hinn andlegu braut, sumir fara sína eigin leið, aðrir fara troðnar slóðir meðan einhverjir segja enga leið vera í boði. Margar stöðvar, straumar og stefnu hafa sprottið upp síðustu áratugi þar sem menn geta fengið leiðbeiningar m.a í hugleiðingu, núvitund og yoga. Nóg er í boði og barist er um bitana á hinu andlega markaðstorgi og oftar en ekki er uppljómun á næsta leiti. Lífspekifélagið hefur boðið upp á leiðbeiningar í hugrækt og andlegri iðkun í áratugi þó það hafi kannski ekki farið hátt. Einnig hefur verið talað um núvitund og yoga þar svo áratugum skiptir. En hvað er yoga? Samkvæmt Patanjali er yoga það að ná algjörum tökum á myndun hugsana og hugmynda í huganum og þegar því er náð þá verður maðurinn var við sjálfan sig eins og hann er. Er þetta leiðarljós flestra þeirra sem leggja stund á yoga nú til dags? Ekki veit ég svarið við því. Núvitund er afar vinsæl um þessar mundir og stundum látið sem svo að þetta sé eitthvert nýtt fyrirbæri þarna á ferðinni en augnablikið var aldrei fundið upp.

   Margt er í boði fyrir andlega þyrsta nema og það er hægðarleikur að týna sér á þessu andlega markaðstorgi þar sem framboðið er gífurlegt og alltaf kemur eitthvað „nýtt“ til sögunnar. Við verðum samt helst að finna okkur einhverja iðkun eða iðkunaraðferð sem okkur líkar við og halda okkur við hana því annars getur farið þannig að maður eyðir dýrmætum tíma í „andlegt ráp“. En ávallt verðum við að muna að ein leið er ekkert merkilegri eða betri en önnur, það liggja margar leiðir upp fjallið og það kemur að því að þú finnur þann troðning sem hentar þér.

   Hjá mörgum, kannski ekki öllum, byrjar ákveðið ferli þegar þeir byrja að hugleiða eða hefja andlega iðkun. Stundum eins og eitthvað vakni, eitthvað sem vekur þig til vitundar um lífið. Eitthvað jafnvel sem vekur upp í þér samkennd og þú finnur til kærleika til alls sem er. Þig langar því til að vera til staðar fyrir aðra, hjálpa öðrum án skilyrða. Búddisminn gengur t.a.m. mikið til út á þetta. Zenmeistari einn var eitt sinn spurður hvernig hann myndi skilgreina búddisma, hann sagði: „Hvernig get ég hjálpað?“ Í mahayana búddismanum er hugmyndina um bodhisattva. Bodhisattvinn heitir því að frelsa allar skynverur og fórnar sér fyrir aðra, frestar m.a. eigin nirvana til þess að geta hjálpað öðrum samkvæmt þessari hugmyndafræði. Hvort eitthvað er til í þessari hugmynd eða ekki þá er þetta afar falleg hugsun og sennilegra væri lífið betra og réttlátara hér á jörðinni ef fleiri myndu tileinka sér eitthvað álíka.

   Eins og sagði í byrjun þá eru margar leiðir í boði fyrir þá sem leggja úr í hið andlega ferðalag, en er ferðalagið okkar? Kannski er það ekki „okkar“ þegar öllu er á botninn hvolft. Samhliða iðkun ættum við að láta gott af okkur leiða, þjónusta og hjálpa samferðafólki okkar hvort sem það er í lífi, starfi eða andlegri iðkun þess. Við ættum að starfa, þjónusta og iðka án skilyrða, án þess að vænta einhverra launa eða hróss. Flest okkar vilja sjá betri heim verða til en til þess að breyta heiminum verður þú að byrja á sjálfum þér og þá skipta athafnir okkar máli. „Sá starfar bezt, sem starfar án eigingjarnra hvata, sem þráir hvorki peninga né neitt annað og þegar maðurinn er fær um þetta, verður hann Búddha og frá honum streymir máttur til þess að starfa svo, að það breyti heiminum.“ (Vivekananda).

Nýtt fréttabréf Lífspekifélagsins

 

Mundilfari, fréttabréf Lífspekifélagsins:

https://gudspekifelagid.is/Mundilfari/MUNDILFARI%20jan22.pdf

Lífið, með stórum staf - Líf og dauði með augum búddismanum

 

Þessi þáttur fjallar um það hvernig búddismi fjallar um lífið og dauðann, málefni sem ekki er talað mikið um og er jafnvel svolítið tabú að tala um:

https://www.podbean.com/media/share/pb-9wytv-11a7ad0?utm_campaign=au_share_ep&utm_medium=dlink&utm_source=au_share

Dagskrá Lífspekifélagsins um helgina

Föstudagur, 11.feb. kl.20. Jón Ellert Benediktsson flytur erindi sem hann nefnir Að vera og gera og byggir á útlistun Dalai Lama á leið bodhisattvans í norður-búddismanum.

 

Laugardagur, 12.feb. kl.15. Sýnd kvikmynd um skammtaeðlisfræði.

Lífið (með stórum staf)

 

 

Það er okkur mönnunum mikilvægt að vita, að útskýra allt mögulegt og ómögulegt. Við samsömum okkur því að vita. „Ég hugsa, þess vegna er ég” eins og René Descartes orðaði það. En þrátt fyrir það hefur engum tekist að segja hvað lífið er í raun og veru.

Við erum því í grunninn eitthvað sem við getum ekki sagt hvað er. Ef við vitum ekki og getum ekki sagt það, hvað erum við þá? Hvað er líf og hvað er dauði? Hvað getur þetta verið? Hvernig get ég verið eitthvað sem ég get ekki sagt hvað er?

Ástvaldur Zenki talar um það hvernig Zen búddismi lítur á tilveruna og hvernig við getum fundið sátt í Lífinu (með stórum staf) jafnvel þó að við getum ekki sagt hvað það er.

 

Spurningin um menntun - Ræða sem J. Krishnamurti hélt yfir nemendum á Indlandi og kom út í bók sem heitir This Matter of Culture (Youtube)