Hugleiðslunámskeið í Lífspekifélaginu hefst 5. janúar

Yoga hins hæsta guðdóms.
Para-brahman.
Maðurinn mætir alheimshafi vitundarinnar.

Átta vikna námskeið hefst sunnudaginn 5. janúar í húsi félagsins að Ingólfsstræti 22 með kynningarfundi klukkan 13-15 .

Að blanda hinu heilaga við líkaman. Söngur helgra hljóða og nafna og vinna með myndir með ímyndunaraflinu. Öndun og teygjur í upphafi.

Haraldur Erlendson, Rósa Richter og Sigurður Gunnarsson leiða.

Fundirnir verða svo klukkan sex á mánudögum og standa í klukkutíma.

Kynningarfundurinn er opinn öllum en námskeiðið kostar 6000kr.

Gleðileg jól

 

Námskeið í zen-hugleiðslu byrjar 16. janúar

 

Iðkun zazen er grundvöllur þess sem í daglegu tali kallast núvitund (e. mindfulness) eða vakandi athygli. Með því að læra að iðka Zazen ræktum við smám saman með okkur vakandi huga og meðvitund í daglegu lífi og lærum að þekkja okkur sjálf á djúpan og náinn hátt. Að þekkja sjálfa sig á þennan hátt felur í sér fræ heilunar og kennir okkur að meta lífið sem við lifum.

Markmið námskeiðsins er m.a.:

• Að kenna öndun og vakandi athygli í zazen, sitjandi hugleiðslu.
• Að vinna með líkamann og auka líkamsvitund
• Að útbúa stað heima hjá sér sem er ætlaður hugleiðslu.
• Að byggja upp hugleiðslurútínu í daglegu lífi
• Að læra hefðbundin iðkunarform í setusal Zen Búddista og iðka zazen með öðrum

Námskeiðið kostar 15.000,- kr. og verður kennt á fimmtudögum frá kl. 17:30-19:00. Innifalið í námskeiðsgjaldi er þátttaka í allri dagskrá hjá Nátthaga á meðan námskeiðið varir og eru þátttakendur eindregið hvattir til að prófa að taka þátt í daglegri iðkun samkvæmt dagskrá. Þátttakendum er einnig velkomið að taka þátt í fræðsluviðburðum sem boðið er upp á: leshringjum, darmaræðum og mörgu fleiru.

Kennarar á námskeiðinu eru Ástvaldur Zenki Sensei, sem hefur formlega lokið þjálfun og hlotið réttindi til kennslu innan Soto Zen hefðarinnar, ásamt Kolbeini Seido og Brynjari Shoshin sem hafa áralanga reynslu af hugleiðsluiðkun.

Hvar: Klettháls 1, önnur hæð til hægri þegar komið er upp stigann.
Hvenær: Fimmtudagarnir 16., 23. og 30. janúar 2020 og svo 6. febrúar frá kl. 17:30 - 19:00.

Allir eru hjartanlega velkomnir í nýtt húsnæði okkar að Kletthálsi 1 og er námskeiðið óháð trúar- eða lífsskoðunum. Námskeiðið er ætlað byrjendum sem lengra komnum og öllum þeim sem þrá að lifa lífinu lifandi og með vakandi athygli.
​
Skráning fer fram með því að senda tölvupóst á [e-mail] og greiða 15.000,- kr. námskeiðsgjald inn á reikning félagsins...

Kennitala: 491199-2539
Reikningsnúmer: 111-26-491199

Fyrirlestur í Lífspekifélaginu um kabbalah og skammtafræði

Einar Bergmundur: Sköpun, Guð, þræðir og Kabbalah.

Gangleri, tímarit Lífspekifélagsins, var að koma út

93. árgangur Ganglera er kominn út. Gangleri er tímarit um heimspeki og andleg mál. Meðal efnis nú er:

Meistarinn mikli eftir Chuang Tsu

Um kynni Vimala Thakar og Jiddu Krishnamurtis eftir Halldór Haraldsson

Þinn eigin lífsförunautur eftir Önnu Valdimarsdóttur

Hvaðeina er Krishna eftir Cynthia Overweg

Þegar andinn er yfir – Síðari hluti eftir Melkorku Eddu Freysteinsdóttur

Setið með seiðklerki í Síberíu eftir Cherry Gilchrist

Pílagrímslíf eftir Lama Anarika Govinda.

Ritið er 160 bls. og kostar 3.500 kr.

Áskriftarsími Ganglera er 896 2070. Einnig hægt að senda póst á [e-mail].

Fyrirlestur um Baháítrúna í Lífspekifélaginu

Dr. Margrét Gísladóttir hélt fyrirlestur um baháítrúna í Lífspekifélaginu þann 15. nóvember.

Fyrirlestur um Lífspekifélagið á Youtube

Fyrirlestur á YouTube - Dulræn reynsla föður eftir lát sonar

Lífspekifélagið um helgina - Dulræn reynsla föður eftir lát sonar, hugleiðing og sögustund

 

29. nóv. kl. 20:00. Björn Hjálmarsson, barna- og unglinga geðlæknir: Uppljómun. Dulræn reynsla föður eftir lát sonar.

 

30. nóv. kl. 15:00. Þórgunna Þórarinsdóttir leiðir hugleiðingu og verður með andlega sögustund eftir kaffið.

 

 

Þetta er hið sanna takmark karma-yoga

 

Spámenn heimsins er hægt að greina í tvo flokka, en Búddha telst til hvorugs þeirra. Spámenn annars flokksins segjast vera guðir, stignir niður á jörðina, en hinir segjast vera sendiboðar guðs. Báðir eru knúðir fram af öflum utan að og vænta launa þaðan, hversu fagurt sem þeir mæla.

En Búddha er eini spámaðurinn, sem sagði: „Ég hirði ekki um að þekkja hinar og þessar hugmyndir ykkar um guð. Hvert gagn er að því að þrefa um þessar hégómlegu kenningar um sálina? Breyttu vel, og vertu góður. Og fyrir þetta öðlastu allan sannleika.“

Hann var gersamlega laus við ytri hvatir, og hver starfaði meira en hann? Sýndu mér einn einasta mann sögunnar, sem var svo hátt yfir allt hafinn. Gervallt mannkynið hefir aðeins alið einn slíkan, slíka afburða-heimspeki, slíka samúð, slíkan undra-heimspeking, sem kenndi æðstu heimspeki og var jafnframt gæddur samúð með lítilfjörlegustu dýrum og krafðist aldrei neins.

Hann er alfullkominn karma-yogi, sem vinnur gersamlega án persónulegra hvata, og mannkynssagan sýnir, að hann hefir verið mesti maðurinn, sem nokkru sinni hefir fæðst, hin öflugasta sameining heila og hjarta, sem nokkurn tíma hefir til verið, hafinn yfir allan samanburð, voldugasta andans afl, sem nokkurn tíma hefir opinberast.

Hann var fyrsti mikli umbótamaðurinn, sem heimurinn hafði séð. Hann þorði fyrstur að segja: „Trúðu ekki neinu fyrir það, að það stendur í einhverjum gömlum ritum. Trúðu ekki af því, að það er þjóðtrú þín, ekki af því, að þú hefir verið látinn trúa því frá barnæsku, en finndu sannleikann með hugsun þinni, og þegar þú hefir gert þér grein fyrir honum, skaltu trúa honum, ef þér virðist hann vera hverjum og einum til blessunar, lifa fyrir hann og hjálpa öðrum til að öðlast hann.“

Sá starfar bezt, sem starfar án eigingjarnra hvata, sem þráir hvorki peninga né neitt annað, og þegar maðurinn er fær um þetta, verður hann einnig Búddha, og frá honum streymir máttur til þess að starfa svo, að það breyti heiminum. Þetta er hið sanna takmark karma-yoga.

 

Starfsrækt - Vivekananda

 

https://rafhladan.is/bitstream/handle/10802/1879/Svami-Vivekananda-Starfsraekt.pdf?sequence=1