Dagskrá Lífspekifélagsins - Föstudagurinn 9. febrúar - Haraldu Erlendsson talar um landnám Ingólfs

 

Föstudagurinn 9. febrúar kl. 20:00

Haraldur Erlendsson heldur áfram að tala um landnám Ingólfs. Hann mun tala um útisetur, stefnumót við alheiminn, landið sem lifandi táknheim og andlega menningu landnámsmanna.

Erindinu verður streymt.

Lífspekifélagið fimmtudaginn 8. febrúar - Ævintýrið um Rauðhettu og hvernig það talar til sálarinnar

 

Fimmtudaginn 8. februar kl 19:00
fer Helgi Garðar Garðarson geðlæknir fyrir ævintýrahópnum og rætt verður um ævintýrið um Rauðhettu.

DAGSKRÁ FELLUR NIÐUR - Dagskrá Lífspekifélagsins helgina 2. - 3. febrúar - Fræði Martínusar

 

Föstudagur 2. febrúar Kl. 20:00 - Hilmar Sigurðsson

Spíralsvæði - Líf eftir dauðann? Martinus skiptir tilverunni upp í mörg spíralsvæði sem aftur skiptast upp í 6 tilverusvæði og þannig áfram í óendanlegri endurtekningu. Þar sem hvert spíralsvæði eru milljarðar ára gefur það lífverum möguleika á að upplifa hinn stóra kontrast eða andstæðu í hverjum spíral.

 

Laugardagur 3. febrúar Kl. 15:30

Hilmar heldur áfram að tala um efni fyrirlestrarins frá kvödinu áður.

On Having No Head

https://terebess.hu/zen/mesterek/Having-No-Head.pdf

Námskeið í innhverfri íhugun

Næsta námskeið í innhverfri íhugun hefjast á föstudaginn 26. janúar kl.19:30
Kennsla fer fram í Þórunnartúni 2.
Skráining er á www.ihugun.is

Lífspekifélagið á laugardaginn - Stjörnuspeki. Hvert stefnir heimurinn? Gunnlaugur Guðmundsson flytur erindi kl. 15 þann 27. janúar

 

Hinn landsþekkti stjörnuspekingur Gunnlaugur Guðmundsson heldur erindi um stöðuna í dag og hvert við stefnum.

Dagskrá Lífspekifélagsins - Hvað varð um sálina? Ársæll Már Arnarsson, prófessor í sálfræði flytur erindi föstudaginn 26. janúar kl. 20:00

 

Ársæll Már Arnarsson, prófessor í sálfræði, flytur erindi hjá Lífspekifélaginu um breytingar á hugtakanotkun og hugsun um andlegt líf.

Zen-hugleiðslunámskeið 18. janúar - 10. febrúar 2024

 

Námskeið í Zen hugleiðslu 18. janúar 2024

28/12/2023

Hvenær: 18. janúar - 10. febrúar 2024
Hvar: Klettháls 1, Reykjavík
Tími: Fimmtudagar 17.30-19.00 
Verð: 25.000 krónur
Skráning: [e-mail] eða með hnappnum hér að neðan

​Innifalið í námskeiðsgjaldi er þátttaka í allri dagskrá hjá Nátthaga á meðan námskeiðið varir og eru þátttakendur eindregið hvattir til að prófa að taka þátt í daglegri iðkun samkvæmt dagskrá. Þátttakendum er einnig velkomið að taka þátt í fræðsluviðburðum sem boðið er upp á: leshringjum, fyrirlestrum og fleiru.

Námskeiðið er ætlað byrjendum sem lengra komnum og
​öllum þeim sem þrá að lifa lífinu lifandi og með vakandi athygli.
​
Iðkun zazen er grundvöllur þess sem í daglegu tali kallast núvitund (e. mindfulness) eða vakandi athygli. Með því að læra að iðka Zazen ræktum við smám saman með okkur vakandi huga og meðvitund í daglegu lífi og lærum að þekkja okkur sjálf á djúpan og náinn hátt. Að þekkja sjálfa sig á þennan hátt felur í sér fræ heilunar og kennir okkur að meta lífið sem við lifum.

Markmið námskeiðsins er m.a.:

• Að kenna öndun og vakandi athygli í zazen, sitjandi hugleiðslu.
• Að vinna með líkamann og auka líkamsvitund
• Að útbúa stað heima hjá sér sem er ætlaður hugleiðslu.
• Að byggja upp hugleiðslurútínu í daglegu lífi
• Að læra hefðbundin iðkunarform í setusal Zen Búddista og iðka zazen með öðrum

Öll eru hjartanlega velkomin í nýtt húsnæði okkar að Kletthálsi 1 og er námskeiðið óháð trúar- eða lífsskoðunum.

Skráning fer fram með því að senda tölvupóst á [e-mail] og greiða 25.000,- kr. námskeiðsgjald inn á reikning félagsins:

Kennitala: 491199-2539
Reikningsnúmer: 111-26-491199

Mundilfari, fréttablað Lífspekifélagsins, kominn út með dagskrá vorannar

 

Hér getið þið sér nýjan Mundilfara: 

https://mcusercontent.com/6d7ad768df53001849bffc0af/files/c618e8a0-eb5d-0aae-3fbc-57c2d338a831/Mundilfari_vor_2024_sm.pdf  

Dagskrá Lífspekifélagsins 1. og 2. desember

Föstudagur 1. des. kl. 20:00 

 

Tíminn á milli tíma - Aðventan og hinir 13 heilögu dagar og næstu

Erindi byggt á bók sem Úa Von (Sigrún Gunnarsdóttir) skapaði og hefur unnið með síðustu 10 árin og er stöðugt í þróun. Bókin er að mestu leyti byggð á persónulegri forvitni, tilraunum með efnið, rannsókn á fornum siðum og sögu, vedískri stjörnuspeki og antrópósófíu Rudolf Steiners. Hún er í senn fróðleiksrit, tilraun, dagbók og draumadagbók; verkfæri til að vekja spurningar, forvitni og meðvitund. Á þessum tíma árs verður til möguleikinn á innra ferðalagi og vakandi meðvitund. Eins konar lok eins kafla og fræ byrjar að mótast fyrir nýjum kafla, nýjum ásetningi. Þáttaskil eiga sér stað. Möguleikarýmið verður frjótt til þess að rækta upp á nýtt.

Hægt verður að kaupa draumadagbókina sem styður við efnið á 4.900 kr.
Bókin er handgerð og er hver bókakápa einstök, árituð og í 1/1 upplagi.

 

Laugardagur 2. desember kl. 15:30 

 

Séra Gunnlaugur Garðarsson - Íhugunarstund um aðventu, jól og tímann.