The Buddha Patch

 

Lífspekifélagið um helgina - Umbreyting í gegnum dans

 

31. jan. Föstudagur kl 20:00

Inga Bylinkina: Ummyndun í gegnum dans

 

1. feb. Laugardagur kl 15:00

Hóptími með hreyfingu til að skoða nánd og tengsl: Inga Bylinkina

Orðin tóm - Fyrirlestur með Ástvaldi Zenki

Næsta laugardag, 25. janúar mun Ástvaldur Zenki-sensei flytja fyrirlesturinn ,,Orðin tóm" í húsakynnum Nátthaga að Kletthálsi 1, 2. hæð til hægri. Fyrirlesturinn er öllum opinn og er stundvíslega frá kl. 09.15 - 10:15. En á undan honum er hugleiðsla frá kl. 08.00 og er líka öllum velkomið að taka þátt í henni.

   Ástvaldur segir: ,,Zen hugleiðsla, eða Zazen, er iðkun sem byggir ekki á orðum eða hugmyndafræði heldur beinir iðkandinn athygli sinni að því sem er akkúrat núna án þess að vilja breyta neinu. [...] Allt sem til er í heiminum hefur aðeins einn stað til að vera til á og það er núna. Ekkert hefur nokkurntíman verið til fyrir utan núna, það er ekkert áðan og ekkert á eftir." Eins og áður segir þá eru allir innilega velkomnir á fyrirlesturinn næsta laugardag og aðgangur er ókeypis. En dagskrá laugardagsins hefst með sitjandi hugleiðslu kl. 08:00. Hlakka til að sjá ykkur öll á laugardaginn.

 

https://www.zen.is/

Lífspekifélagið um næstu helgi - Tinna Gunnlaugsdóttir og Bjarni Steinar Kárason verða með erindi

 

24. jan. Föstudagur kl. 20:00

Tinna Gunnlaugsdóttir flytur spjall er hún kallar Með Herdísi í duftinu til Indlands.

 

 

25. jan. Laugardagur kl. 15:00

Bjarni Steinar Kárason: Meðvitund og áhrif hugsana á líkama okkar.

Lífspekifélagið um helgina - Guðmundur G Þórarinsson: Gelísk nöfn og áhrif á Íslandi á landnámsöld

 

17. jan. Föstudagur kl 20:00
Guðmundur G Þórarinsson: Gelísk nöfn og áhrif á Íslandi á landnámsöld (ofl.). Samantekt úr bók hans, Árdagar Íslendinga, 2016.

18. jan. Laugardagur kl 15:00
Guðmundur G Þórarinsson: Gelísk nöfn og áhrif... umræður frá deginum áður.

Jarðarfarasiðir og lífseiningarlögmálið í Lífspekifélaginu um helgina

 

10. janúar, föstudagur kl. 20:00. Svanur B. Annasson: Jarðarfarasiðir (líkbrennsla). Kenningar Martinusar á hvað gerist í míkró heiminum (smáheimi) við svokallaðan dauða.

 

11. janúar, laugardagur kl. 15:00. Svanur B. Annasson: Hugleiðing um lífseiningarlögmálið og samræður á eftir.

Kynning á Parabrahman-iðkun í Lífspekifélaginu sunnudaginn 5. janúar

Látið árið skipta sköpum! Lærið leið máttar og tærleika til að bæta eigin líðan.
Takmarkið er einsömun (moksha) gegnum yoga og tantra. Unnið er að innri einingu með aðstoð guð móður (shakti máttur) og guð föður (shiva vitund). Fyrsti áfangi Sri Vidya (skær viska) er kenndur. Sri Vidya er einn æðsti tantra skóli Indlands og kenndur af einum af fimm páfum Hindúismans sem hefur aðsetur í Kanchipuram. Í þessum hluta er iðkun kennd á hinn hæsta föður (parabrahman) sem er innsta eðli vitundarinnar. Verkefnið er fyrst og fremst ástand líkamans og hæfni hans til að rúma æðri vitund. Síðar er unnið með hina heilögu móður mildi og fegurðar til að efla vinnuna. Guðirnir (æsir, devas) og lægri öflin (asuras, jötnar) vinna saman að því að mjólka heimshafið og aðgreina hinn guðlega drykk og hinn eitraða drykk. Shiva tekur að sér að bjarga heiminum með því að drekka eitrið. Hann ummyndar myrkrið. Verður blár og helgaður af þeirri vinnu. Innvígður og heill.
Yoga er að tengja saman sundraða þætti í eigin eðli. Carl Gustaf Jung kallar slíka vinnu einsömun. Þá þarf að heiðra hið lága og hið háa og ekki síst það sem skyggir á tengslin milli þeirra. Lykillinn að því er áhugi, hlý návist við eigin veruleika og nálgun með léttleika. Við það leysist eitrið upp og ávæningur fyrir unaði kemur. Lila eða leikur er lykillinn að góður árangri. Taka iðkun sína ekki of hátíðlega og leggja áherslu að flæða og njóta ferðarinnar. Venja sig við daglegar samræður við hið heilaga og hlusta á hvað lífið er að segja þér dagsdaglega í gengum atburði í ytra lífi.

Lærið að verða ljósberi og heilandi afl.
• Vinna með eigið myrkur í líkama, tilfinningum og huga til að efla visku og heilun.
• Vinna með ættartréð. Vinna með forfeðurna. Vinna með heimillið og nágrennið. Vinna með vinnustaðinn.
• Tengjast landinu, jörðinni, sólkerfinu, vetrabrautinu alheiminum,
• Læra að sofa í ljóshjúp. Læra að opna hið helga rými.
• Læra að taka við elskunni frá baklandinu. Læra að höndla styrkinn og máttinn í forlandinu.
• Tengja saman hið kvennlega (shakti mátturinn) og karllega (shiva vitundin) í eigin eðli.
• Læra að heiðra allt í eigin veru og í umhverfi með mildi og styrk. Sýna áhuga og hlýju við allt hið innra og ytra en setja skýr mörk.
Þáttakendur þurfa að ásetja sér að iðka eitthvað daglega (3 til 60 mínútur) í sex mánuði og heiðra það frumlæga og hið guðlega í eigin eðli. Sérlega þarf að undirbúa sig vel tvo daga fyrir fundina. Miklvægt að menn komi oftast til innri vinnunar í ró og úthvíldir og með færandi hendi sem hjálpar hópnum í sínu innra starfi.
Kynningardagur verður sunnudaginn 5. Janúar frá eitt til fjögur í húsi Lífspekifélagsins að Ingólfsstræti 22. Svo verða átta mánudagar í klukkutíma klukkan 18:00 í janúar og febrúar. Aðal leiðbeinandi er Haraldur Erlendsson.
Námskeiðið kostar aðeins 6000kr og er til að standa undir kostnaði. Greiðist í seðlum á kynningardeginum við skrásetningu.
Þeir sem hafa áhuga mæti á sunnudeginum og svo ákveði hvort þeir eru tilbúnir að leika sér fram á sumar.
Sendið skilaboð á Haraldur Örn Erlendsson gegnum messenger á Facebook.