Zen-fyrirlestur fimmtudaginn 2. desember

 

Á fimmtudaginn n.k, nánar tiltekið 2. desember kl. 20 – 20.45, verður Helga Kimyo með fyrirlestur og spjall.
Fyrirlesturinn ber heitið Hvar ert þú?

Zazen hefst kl. 19.30

Eftir fyrirlesturinn býður Helga upp á heitt kakó:)

P.s. Eins og ávallt eru allir velkomnir á meðan húsrúm leyfir.

 

 

www.zen.is

Góður göngumaður skilur ekki eftir sig spor

 

27.

góður göngumaður skilur ekki eftir sig spor. góður ræðumaður stamar ei. góður stærðfræðingur þarfnast ekki reikniaðferða. góður vörður þarfnast ekki lása. það sem hann geymir verður ekki opnað. sá er bindur best þarfnast ekki reipa það sem hann hnýtir verður ekki leyst. hinn vaknaði hjálpar hafnar engum. hann er bjargvættur snýr ekki frá neinum. viska hans felur í sér allt. hinn vaknaði leiðbeinir hinum sofandi. hinn sofandi er hráefni hins vaknaða. sá er ekki virðir fræðara sinn né gætir hráefnisins er óravegu frá hinum æðri vegi þótt hann sé nefndur ,,fræðari“.  

 

 

Hinn æðri vegur – A. Kalid Rah. Birgir Bjarnason þýddi.

 

 

Hin æðri vegur skráset af A. Kalid Roh í þýðingu Birgis Bjarnasonar.Höfundur eða öllu fremur skrásetjari þessarar bókar, súfinn A. Kalid Rah, dreymdi aldraðan mann sem sýndi honum gamla bók.Öldungurinn bað hann að vekja athygli nútímamanna á innihaldi bókarinnar.Hann sagði m.a.: Bókin er uppspretta orða allra mannkynsfræðara, spámanna, helgra manna og skálda. Menntamenn geta ekki skilið hana. Aðeins hinir upplýstu geta lesið hana. Hún er grunnur margra trúarbragða. Hún segir frá alheimslegum lögmálum, hinni óáþreifanlegu alheimsorku sem færir alla hluti í samræmi og gefur þeim tilveru.Hún er ekki trúarlegs eðlis, stjórnmálaleg, félagsleg né sálfræðileg en er uppspretta allra þessara forma. Rah skrifaði efni bókarinnar niður á níu dögum. Eftir að hann hafði lokið verkinu komst hann að því að bókinni svipaði mjög til Tao te King (Bókarinnar um veginn) eftir Lao-tse en þá bók hafði hann aldrei lesið.Lao-tse (gamli vitringurinn) var keisaralegur umsjónarmaður við bókasafn í Kína. Hann er fæddur að því menn best vita árið 604 f.Kr. en alls óvíst er um dánarár hans.Bókina um veginn skráði hann að beiðni landamæravarðar er hann yfirgaf land sitt háaldraður vegna óeirða í ríkinu og var þá á leið upp í fjöllin við norðvestur landamærin.

 

Zen gaf austurlenskri hugsun þá sérstöku gjöf að viðurkenna að hið hversdagslega væri jafnmikilvægt og hið andlega

 

Zen var oft á móti lífsreglum hefðbundins Búddisma rétt eins og Taóisminn var mótfallinn Konfúsíusarspekinni. Orð voru aðeins hindranir hugans andspænis innsæinu í Zen sem var handan við hugmyndir; allur bálkur búddískra helgirita voru aðeins skýringatextar við persónulegar vangaveltur. Fylgjendur Zen stefndu á milliliðalausa einingu við innra eðli alls sem er, og litu á ytri merki sem hindranir á veginum til raunverulegs skilnings á Sannleikanum. Það var þessi ást á hinu Afstæða sem leiddi til þess að Zen tók svart-hvítar skissumyndir fram yfir klassísk málverk búddísku hefðarinnar með sínum litskrúðuga íburði. Sumir í Zen hefðinni urðu jafnvel frægir fyrir að hafa lagt sig eftir því að sjá Búddann í sjálfum sér frekar en í tákngervingum og myndmáli. Við sjáum japanska prestinn Tanka höggva niður búddalíkneski í eldivið á köldum vetrardegi. „Þvílík helgispjöll!“ sagði maður sem átti leið hjá. „Ég ætla mér að ná sjaríunum úr öskunni,“ sagði munkurinn spaklega. „En þú nærð alveg örugglega engu úr þessu líkneski!“ svaraði maðurinn reiðilega. Þá sagði Tanka, „Ef það reynist vera rétt, þá er þetta sannarlega ekki Búdda og engin helgispjöll heldur.“ Svo sneri hann sér við og ornaði sér við eldinn.

Zen gaf austurlenskri hugsun þá sérstöku gjöf að viðurkenna að hið hversdagslega væri jafnmikilvægt og hið andlega. Það hélt því fram að í æðra samhenginu væri enginn munur á stóru og smáu, að atómið búi yfir sömu möguleikum og alheimurinn. Sá sem leitar að fullkomnun verður að finna að ljósið hið innra skíni í eigin lífi. Skipulag Zen klaustursins er gott dæmi um þetta sjónarhorn. Utan ábótans var hverjum einasta reglubróður gefið sérstakt verkefni í umönnun klaustursins, og viti menn, nýliðarnir voru settir í létt verk meðan þeir munkar sem höfðu náð hvað lengst í iðkun sinni og nutu mestrar virðingar voru settir í erfiðisverkin. Þjónusta við klaustrið af þessu tagi var hluti af iðkuninni og hvert einasta verk varð að leysa af hendi fullkomlega. Þannig urðu til margar alvörukenndar samræður meðan arfinn var reittur og rófan skræld, eða þá þegar teinu var skenkjað. Öll hugsjón tesiðarins er afleiðing þessarar hugmyndar í Zen um hið stórfenglega í smávægilegustu andartökum lífsins. Taóisminn lagði til grunninn fyrir listræna hugsjón, Zen gerði hana praktíska.

 

Taóismi og Zen, þriðji kafli úr Bókinni um te eftir Kakuzo Okakura, í íslenskri þýðingu Mikhaels Óskarssonar. Sjá í heild hér.

Bhagavad Gita - Brot úr sjöttu kviðu

 

Yogi sá er hug sinn hefur sefað,

uppsker hina æðstu sálargleði,

og er hann hefur upprætt ástríðurnar,

er hann hreinn og verður eitt með brahma.

Yoginn sem að stýrir sálaröflum,

of frá sér bægir freistingum og syndum,

brátt mun öðlast ævarandi sælu,

er hann skynjar samband sitt brahma.

Sameinaður er sá yogi í anda,

en skynjar sálu í öllum lífsins verum,

allar verur í einni alheimssálu,

og hið sama í öllu kviki lífi.

Sá er skynjar mig í öllu lífi,

og að lífið er í minni verund,

hann mun aldrei hverfa úr vitund minni,

og eg mun heldur aldrei honum gleymast.

Og sá er tignar mig í öllum verum

og eininguna sér í tilverunni,

hann lifir heill og hreinn í mínum anda,

hvernig sem hans lífi er annars háttað.

Og sá er sér hið Eina í öllum verum,

og í sér skynjar þerra böl og gleði,

hann er yogi, skyggn á æðri sviðum,

og fetar veg til æðri fullkomnunar.

 

Bhagavad-Gita. Indversk helgiljóð - S. Sörenson íslenskaði

 

Dagskrá Lífspekifélagsins um helgina

Föstudaginn 26. nóvember kl. 20:30 heldur Árni Reynisson erindi : Ný sýn á norrænan sið.
Árni lítur yfir efnivið fornritanna um hinn forna sið forfeðranna
og segir frá ýmsu sem kemur á óvart. Trúskiptum í heiðni og
táknmáli Gylfaginningar.

Laugardaginn 27. nóvember kl. 15:30 heldur Magnús Guðmannsson erindi: Merki Grims yfir landinu.
Magnús hefur áður kynnt Freys- og Njarðarlínur í örnefnum. Hann segir frá nýjum athugunum sínum

Hugleiðing og fræðsluefni frá Sigvalda
Á laugardögum kl. 14:00 verður áfram hugleiðingarstund í hálftíma í sal félagsins niðri í umsjá Birgis Bjarnasonar. Kl. 14:30 mun hann svo kynna fræðsluefni úr safni Sigvalda Hjálmarssonar til kl. 15:00. Þá mun taka við hefðbundin dagskrá uppi í bókasafni eins og áður. Unnt er að sleppa hugleiðingunni kl. 14:00 ef fólk vill og mæta kl. 14:30. Mun án efa mörgum þykja fengur að því að geta kynnst betur hinum mikla fróðleik og leiðbeiningum sem þarna er að finna.

Bókaþjónustan og bókasafnið eru opin á fimmtudögum kl. 16:30 – 18.30 á starfstíma félagsins yfir vetrarmánuðina. Halldór Haraldsson sér um bókaþjónustuna.

Í Indlandi - Útvarpsþáttur þar sem talað er m.a. um indverska vitringa og uppljómun

 

 

Hér getið þið hlustað á útvarpsþáttinn Hringsól sem er á dagskrá Rásar 1. Þar er m.a. talað um indverska vitringa, vedísk fræði og uppljómun.

Ókeypis fyrirlestrar og hugleiðslukennsla

 

Andvarann langar til að bjóða til fyrirlestra og hugleiðslukennslu á föstudagskvöldið 26. nóvember.
Sunnudaginn 28. nóvember verður önnur dagskrá um sama efni, en það skal tekið fram að fyrirlestrarnir eru sjálfstæðir. Kennarinn sem mun fjalla um efnið heitir: Dada Vandanananda. Hann hefur 48 ára reynslu af því að kenna það sem Indverjar kalla Yoga.
Það er takmarkað pláss báða dagana og því biðjum við ykkur um að hafa samband og láta vita af komu ykkar svo við getum sent ykkur dagskrána og nánar um viðburðinn og eins hvort það er pláss. Þessi atburður er ókeypis.

 

Sjá nánar hér: http://www.facebook.com/home.php?#!/event.php?eid=171209276242430

XVI. Aftur til upphafsins

 

1. Þegar maður hefir tæmt sig af öllu, mun friðurinn mikli koma yfir hann.

   Allir hlutir koma fram í tilvistina, og menn sjá þá hverfa aftu. Eftir blóma ævinnar fer hvað eina aftur til upphafsins.

   Að hverfa aftur til upphafsins er friðurinn; það er að hafa náð takmarki tilvistar sinnar.

 

2. Að ná þessu er að öðlast eilífðina. Sá, sem finnur til eilífðarinnar, nefnist vitur. Sá, sem skynjar ekki eilífðina, veitir ástríðum ráðrúm og verður fyrir ógæfu. Að finna til eilífðarinnar víkkar sálina og lyftir henni. Víðsýnn andi hefur samúð með öllu. Í samúðinni finnst konungsdómurinn, í konungdóminum himinninn, og í himninum Alvaldið. Sá, sem dvelur með Alvaldinu, líður ekki undir lok; þó að líkaminn leysist sundur, er enginn hætta á ferðum.

 

Bókin um veginn

Yoga og gildi þess fyrir Evrópu

 

Menn skyldu ekki halda, að kenning Yoga sé hugarburður, að eins meira og minna skynsamlegar hugleiðingar um lífið og tilveruna, álíka og flest vestræn heimspekikerfi hafa verið. Yoga er þvert á móti raunvísindi engu að síður en raunvísindi Vesturlanda. Það er reist á órækri þekkingu á lögum hins yfirskilvitlega viðhorfs tilverunnar. Það er skynjun og þekking hins yfirskilvitlega á hinu yfirskilvitlega, þekking, sem stenzt alla reynslu og gagnrýni og hver meðalmaður er fær um að ávinna sér að einhverju leyti, ef hann vill að eins losa sjálfan sig úr neti blekkingarinnar og fylgja leiðum Yoga. Þessar leiðir hafa verið farnar af fjölda manna og leitt þá alla að sömu niðurstöðunni. - En Yoga á í raun réttri að eins erindi til þeirra, sem vilja hafa lífi sínu að meira og minna leyti eftir kenningum þess. Annars verður það einungis þur fræðikenning, að vísu gáfulegasta fræðikenningin, sem mannkyninu hefir hlotnast, en skiftir þó í raun og veru litlu máli, ef hún er ekki notuð sem hjálparmeðal í daglegu lífi. 

   Við vonum, að rit þetta veki margan hugsandi mann til vitundar um það vanþekkingarástand, sem vér erum sokknir niður í. Við vonum, að það hjálpi ofurlítið í áttina til réttara skilnings og dragi úr eigingirninni og illindunum, sem einkenna að mörgu leyti hugsunarhátt þessarar kynslóðar, kenni mönnum, að þeim er alls enginn hagur í að gera þessum veslings meðbræðrum sínum mein. Eða hví skyldum vér eiga í sífeldu aggi og illdeilum, úr því að vér erum allir geislar sama ljóssins?

Þýðendur (Þórbergur Þórðarson og Ingimar Jónsson)

Johannes E. Hohlenberg - Yoga og gildi þess fyrir Evrópu

Dagskrá Lífspekifélagsins um helgina

 

Föstudaginn19.nóvember
kl. 20:30 heldur Markús Andri Gordon Wilde erindi : Um eðli tímans. Fjallað um eðli tímans á sem fjölbreyttastan hátt - vísindalegan, menningarlegan, heimspekilegan og trúarlegan.  

 

Á laugardögum er opið hús frá kl. 15 - 17 með dagskrá kl. 15:30.

Laugardaginn 20. nóvember Halldór Haraldsson. 200 ár frá fæðingu Schumanns
Fjallar um ævi og verk ásamt tóndæmum.

 

 

Á laugardögum kl. 14:00 verður áfram hugleiðingarstund í hálftíma í sal félagsins niðri í umsjá Birgis Bjarnasonar. Kl. 14:30 mun hann svo kynna fræðsluefni úr safni Sigvalda Hjálmarssonar til kl. 15:00. Þá mun taka við hefðbundin dagskrá uppi í bókasafni eins og áður. Unnt er að sleppa hugleiðingunni kl. 14:00 ef fólk vill og mæta kl. 14:30. Mun án efa mörgum þykja fengur að því að geta kynnst betur hinum mikla fróðleik og leiðbeiningum sem þarna er að finna.  Heimasíða Birgis