Lögmál andans

Til er leyndardómur sem margir kalla Guð.

Hann birtist okkur sem kærleikur alheimsins,

í gegnum ákveðin lögmál

og stórfenglegt þróunarferli.

Ferlið er að verki

í hverju og einu okkar

og ferlið er fullkomið.

Þegar við uppgötvum þau grundvallarsannindi,

á ferðlagi okkar um lífið,

komumst við að því að stígurinn birtist

um leið og við drepum niður fæti.

 

Dan Millman – Lögmál andans

 

Ashtavakra Gita

 

16

Þitt sanna eðli er tær Vitund.

 

Þú flæðir um alla hluti og allir hlutir flæða í þér.

 

Gættu þín því á þrengslavegum hugans!

 

17

Þú ert alltaf eins, takmarkalaus Vitund, óbreytanleg og frjáls, rósemdin sjálf og viskan. Ekkert fær haggað þér!

 

Því skyldirðu þrá eitthvað annað er þína eigin Vitund?

 

18

Það sem tekur á sig mynd varir ekki. Aðeins hið formlausa blífur.

 

Hver sem skilur í raun sannindi þessarar kenningar mun ekki fæðast að nýju.

  

Ashtavakra Gita (Tvísöngur Hins Eina, þýð: Vésteinn Lúðvíksson)

Andinn (sálin, búddaeðlið, stóri hugur, vitundin, sjálfið ...) eilífi

 

Andinn fæðist ei og ei hann deyr, hann er og verður nú og endalaust. Hann á sér ekkert upphaf, hættir ei að vera til,

og ei hann deyr þótt holdið vegið sé.

Eins og sá er leggur frá sér föt, sem farin eru að slitna og fær sér ný, þannig leggur andinn af sér líkamslín, sem hann ei lengur getur notast við,

og fær sér nýjan efnishjúp.

Hann ósnortinn er af öllum öflum, sem eyða og brenna og þurrka. Hann er hið eilífa í öllu, og aldrei hann breytist um aldir.

Því þótt að þér virðist hann deyja, þá er þetta ei sem þér sýnist, þú þarft eigi harm með þér að ala. Dauðinn er vís þeim sem fæðast, fæðing er vís þeim sem deyja. En andinn að eilífu lifir … 

 

 

Bhagavad Gita

 

 

 

 

 

Ótti

 

Óttinn (birt fyrir kæran vin)

 

Ef ykkur væri ógnað með eldi og líkamlegu ofbeldi, gætuð þið vitaskuld upplifað eitthvað sem við köllum hræðslu. En það er ekki það sálræna óttaástand sem við erum að tala um hér, heldur eðlislægt og ósjálfrátt viðbragð við hættu. Sálrænn ótti er aftur á móti í engum tengslum við raunverulega, áþreifanlega hættu. Hann getur birst sem óró, áhyggjur, kvíði, óöryggi, spenna, uggur o.s.frv. Hann er alltaf ótti við eitthvað sem gæti gerst, ekki eitthvað sem er að gerast núna. Þið eruð hér og nú en hugurinn í framtíðinni. Og í bilinu þarna á milli kviknar kvíðinn. Séuð þið samgróin huganum og þar með úr tengslum við einfaldleikann og máttinn í Núinu, þá verður kvíðabilið ykkar förunautur.

Þið getið alltaf tekist á við andartakið, þetta andartak, en ekki það sem er aðeins hugarburður. …

Eins og ég hef áður bent á, þá mun égið stjórna lífi ykkar svo lengi sem þið trúið því að þið séuð hugurinn. Vegna þess hvað égið er mikill tilbúningur, og þrátt fyrir margbrotna varnarhættina, er það óöruggt og afar viðkvæmt og upplifir stöðugt að því sé á einhvern hátt ógnað. Og þetta á líka við þegar égið er öryggið uppmálað á ytra borði. Gleymið því ekki að sérhver tilfinnig er viðbragð líkamans við huganum. Og hvaða skilaboð er égið, hið falska sjálf, stöðugt að senda líkamanum? Hætta á ferðum! Þetta er ekki öruggt! Og hvaða tilfinningu kveikja þessi skilaboð? Vitaskuld ótta.

 

Eckhart Tolle – Mátturinn í Núinu

Sri Ramakrishna

 

"Different people call on [God] by different names: some as Allah, some as God, and others as Krishna, Siva, and Brahman. It is like the water in a lake. Some drink it at one place and call it 'jal', others at another place and call it 'pani', and still others at a third place and call it 'water'. The Hindus call it 'jal', the Christians 'water', and the Moslems 'pani'. But it is one and the same thing."

Sri Ramakrishna

Kærleikur II

Leyfðu kærleikanum að stjórna. Það er ekkert að óttast nema óttann. Óttinn er óvinur mannsins, sá síðasti sem þarf að sigrast á. Óttastu ekki. Láttu allt í hendur viskunnar og kærleikans sem birtist í hinu guðdómlega lögmáli. Gerðu þitt besta. Vertu sannur og einlægur og kærleiksríkur í mannlegum samskiptum. Leyfðu kærleikanum að stjórna hjarta þínu og lífi.

 

White Eagle - Hinn Kyrri Hugur

Kærleikur

Þú þarft að læra að hegða þér og lifa þannig alla daga að þér sé það eðlilegt að koma ætíð fram sem kærleiksrík persóna. Kærleikur er ekki tilfinningasemi. Kærleikur er að sjá hið góða, sjá Guð, viðurkenna hið guðdómlega lögmál orsaka og afleiðinga sem er að verki alls staðar í lífinu. Að elska er að vera umburðarlyndur gagnvart öllu fólki og öllu sem gerist í daglegu lífi, að vera þolinmóður, hugsunarsamur, góður og hógvær. Eitt orð nær yfir alla þessa eiginleika - kærleikur.

White Eagle - Hinn kyrri hugur

Shunryu Suzuki

 

"Life and death are the same thing. When we realize this fact, we have no fear of death anymore, nor actual difficulty in our life."

 Shunryu Suzuki (1904 - 1971)

 

Kriya Yoga námskeið 22. - 25. júní 2007

 

Kriya Yoga námskeið 22. - 25. júní 2007 

Helgina 22. -25. júní 2007 kemur Peterananda til landsins til að kenna Kriya Yoga.  Dagskráin verður sem hér segir:

• Föstudagur 22. júní   
  Kynningarfyrirlestur kl 20:00.  Fyrirlesturinn er öllum opinn.  Staðsetning verður auglýst síðar.
• Laugardagur 23. júní
  Innvígsla um morguninn og tæknin kennd.  Síðdegis verður hugleiðsla og farið yfir ýmis atriði í tækninni. 
• Sunnudagur 24. júní
  Huglgeiðsla um morguninn og síðdegis.
• Mánudagur 25. júní
  Hugleiðsla um morguninn.

Sjá nánar á www.kriyayoga.is

Dagurinn í dag II

Hamingjan er hugarástand

Dagurinn í dag gefur frábært tækifæri til að lifa í núinu, til að vera hamingjusamur og sáttur með lífið eins og það er núna. Raunveruleg hamingja kemur innan frá og hefur ekkert að gera með umhverfið okkar. Hættum að hengja líðan okkar á annað fólk, kringumstæður, fjármálin okkar eða samfélagið sem við búum í. Við höfum valið um að lifa í gleðinni og hamingjunni á hverjum degi.
Megir þú eiga frábæran dag í dag

Kristbjörg

www.kristbjorg.is