Ókeypis Hatha yoga tímar í Lífspekifélaginu

 

 

Boðið verður upp á hatha yoga tíma í sal félagsins á miðvikudögum. Tímarnir byrja kl. 20 og verður þá húsinu læst. Þeir taka klukkutíma og fimmtán mínútur. Fólk kemur með eigin dýnur eða teppi. Fyrsti tími er 7. febrúar. Tímarnir eru ókeypis.

Leiðbeinandi er Sigurður Gunnars­son.

 

http://lifspekifelagid.is

 

Jógadagur í Lífspekifélaginu sunnudaginn 4. febrúar

 

Jógadagur í Lífspekifélaginu 
Sunnudaginn 4. febrúar verður annar mánaðarlegur jógadagur í húsinu með svipuðu sniði og sá fyrri. Það verða endurteknar hugleiðingar á alheimsvitundina og móður fegurðarinnar með innri myndum og möntrum úr Sri Vidya Tantra hefðinni. Dagurinn verður brotinn upp í fjóra þætti sem byrja á heila tímanum með hressingu og hreyfingu inn á milli.

Húsið verður opið frá 12:30 og lýkur klukkan 17:00. Ef fólk vill koma í hluta þá er best að það komi rétt fyrir heila tíman og banki. Húsið verður læst eftir að æfingar byrja um 13:15. Allir beðnir um að fara úr skónum niðri og skilja eftir í holinu. Gott að hafa með sér jógadýnu en ekki nauðsynlegt. Biðjum alla um að hafa með sér smá veitingar til að setja í púkkið til að njóta saman í þremur pásum á milli atriða.

Farið verður yfir nokkrar grunn möntrur og innri myndir en svo verða teygju æfingar og líkamleg upphitun á milli með öndunaræfingum (pranayama), teygjum (hathayoga) og aðferðum til að koma orkunni í líkamanum í flæði (chi kung). Haraldur verður með möntrur, Sigurður með teygjur og bjöllu hlustun, Einar með hugleiðingu, Guðrún með hljóð og hreyfiæfingu og Anna Sigríður með orkuflæðis æfingar og smá texta frá Sigvalda Hjálmarssyni.

Þar sem það verða enskumælandi gestir meðal okkar verður talað á ensku í bland með íslensku.

Allir velkomnir.

Lífspekifélagið um helgina - Vesturlönd þarfnast hugleiðslu segja vísindin og Mahaprajinananda leiðir hugleiðingu

 

Föstudagur 2. feb. kl 20:00, heldur Gylfi Aðalsteins: Vesturlönd þarfnast hugleiðslu segja vísindin.
Í frumkristni og langt fram á miðaldir var til 
öflug og háþróuð kristin hugleiðslumenning. Er kominn tími 
til að kirkjan endurveki forna hefð og víkki hlutverk sitt og 
þjónustu við söfnuði?

 

Laugardagur 3. feb. kl. 15

Mahaprajinananda leiðir hugleiðingu og heldur síðan fyrirlestur á ensku sem verður þýddur á glærum. 
Fyirlesturinn heitir: The effort to become whole — 
intergrating head, heart and hands. (Heildræn viðleitni — 
samþætting huga, hjarta og handa.